Only God Can Judge Me

Sunday, August 13, 2006

موضوع السير وحوادث الطرق قديم جديد, متجدد بالمشاهدات المأساوية اليومية, فنادرا ما يمر يوم دون أن نسمع عن وقوع حادث سير أو حادث دهس, رغم وجود الشواخص المرورية والتحذيرات وعمل أماكن لعبور المشاة (( حق الهنود )) والوقوف (( الشياب ))، بالإضافة إلى الانظمة والقوانين الضابطة، فالجهات الأمنية لم تقصر أبدا حيال هذا الموضوع الهام، وكذلك وسائل الاعلام والكتاب في جمع الصحف كتبوا الكثير عن هذا الموضوع وها انا أعيد الكتابة زيادة في الفائدة والتذكير ففي الأعادة إفادة وفي التكرار إقرار

الجميع يتفق على ان هناك نسبة معقولة للحوادث بشكل عام، ولكن ما بحدث يفوق ذلك، وغالبية الحوادث تدل على إهمال واستهتار واضح بتوفير الحد الأدنى من متطلبات السلامة العامة الواجب توفرها بالمركبة (( السيارة))بالأضافة الى ضعف التعاون من قبل مستخدمي الطرق سواء السائقين (( احنا )) او المشاة

الشوارع أصبحت كساحة معركة، ترى فيها جميع أنواع الآليات (( المواتر )) بمختلف الاحجام والاوزران ومحاربين (( يعني مثلي )) من مختلف الأنواع من الجاد والملتزم جدا (( ماكو منه بالكويت )) بالمتوسط (( الشياب والعيايز )) الى المستهتر اللامبالي (( اللي توهم مطلعين لهم ليسن )) الذي يقوم بممارسات متعددة ومتنوعة أثناء القيادة مثل استخدام النقال او تناول الطعام والشراب (( ويسوق بريوله ))

او قاعد يتحرش بوحده او المسجل وغيرها من الملهيات التي تشتت الانتباه، بالاضافة الى الماره بمختلف الفئات العمرية والصفات الشخصيه (( اليهال اللي يكونون بالسالميه يوم الاربعا والخميس والصعاااااااااااااااايده والهنوووووووود واليهال يم المدارس )) ، واسمحوا لي بهذه العجالة ان اقدم وصفا بسيطا لبعض المشاهد التي قررت جمعها اثناء مروري لبضعة ايام على الطرق العامة

وانا بالسالمية صوب مركز سلطان ماشيه بحالي فجأة وافد يخطر الشارع اهو ومعاه الف ياهل ماشالله وانا فجأة دست بريك يعني لو ما الله ستر جان انا على الاقل داعمه 500 من الالف

وعلى البحر بجانب قصر الشعب زحمة الساعة وحده ايام الدوامات راده بيتنا زحمه يعني ماكو مجال تدوس بانزين كلللش

بلف يمين طقيت إشاره والاخ الشاب اللطيف طوفني جدامه ومامداني طفت جان يدعمني دعمه مايعلم بيها الا ربنا وصار فلم هندي بنص الزحمه والسبب انه كان يتحرش بالبنات اللي صاروا يمه عاد جان زين كانوا حلوين

سوق الكويت انا اموت واعرف لييييييييش مايسوووون له مواقف مثل الاوادم لا مايخلون احد يصفط والشرطي اللي يكون استلامه هناك يستانس يخلص مليون دفتر مخالفات واللي اعرفه على كل دفتر يحصل زيادة بالمعاش او شي جذي

وهم اضع اللوم على وزارة الداخلية يعني قوانينها على ناس وناس

وهم الخلل يتمثل بسوء تطبيق القوانين حيث ان النظرية موجودة فهل من المعقول ان يرافق كل سائق ومواطن شرطي مرور ليرشده الى الصواب، فأين الحس بالمسؤولية النابعة من احترامنا لانفسنا بالمحافظه عليها من تعريضها لأي خطر، وبالمقابل المحافظة على الغير بعدم تعريضهم للخطر

اذا لماذا نتذمر على قوانين السير رغم انها لصالحنا

قد أكون بكلامي هذا ضربت على الوتر الحساس (( بالنسبة للعقد )) ولكن يبقى الاهم الإلتزام بما وضع من قوانين وأنظمة حفاظا على سلامتنا وسلامة الآخرين

posted by Blogger at 4:06 PM |

34 Comments:

At 8:29 PM, eb9ara7a

خطاج السو و سلامات
:)
للأسف وايد ناس بالديرة بطيخ و ما يعرفون يسوقون
القانون زين و الشوارع امرتبة
بس تطبيق القانون مو على الكل و حسافة إن الواسطة منتشرة و صارت اهي اللي تنقذ المستهترين
و ملاحظة اخيرة لازم ما ننساها و اهي ان وايد من شباب الدوريات مو مجابلين شغلهم عدل و ماخذين سالفة الفرارة بالسكيك وناسة مو شغل حق الكويت و اهلها
و انا هني ما اعمم لكني أنقل ملاحظة مهمة حد الدوسة

تحياتي حجية

At 9:20 PM, tweety

الزحمة والمرور والمواقف الثلاثي اللي يرفع الضغط
ومادري لي متى بيظل الوضع جذي !؟
أنا ما أحب أروح الفنار والسبة الزحمة واللوية والاوادم اللي يوقفون جنهم طايحين من السما يعني على ما تصفطين بالباركينج تاخذين ساعة الا ربع هذا في الايام العادية, بالويكند يمكن تقعدين يومين
هالشارع بالذات لو يسكرونه ويمنعون السيارات تدخل ويخلونه نفس السوليدير وايد أحسن
خطاج السو وماتشوفين شر

At 11:58 PM, a7laa7ob

eb9ara7a:
خطاك اللاش والله يسلمك :)
اللي مايعرفون يسوقون هذول ماخذين الليسن بالواسطه

قصدك شباب الدوريات يقزون حالهم حال المصبنه مو فاظين حق الشغل
اسأل مجرب
ومشكور

tweety:
خطاك اللاش والشر ماييك :)

اي عادي عادي انا وحده ماعرف اصفط عدل بس يبيلي مليون سنه بس بالنهايه اصفط عدل وصفطه مضبوطه
بس شكو سوليدير بالسيارات؟؟؟!!
ومشكور/ه

At 2:22 AM, kuwaitia

هلا فيج والله وخطاج السو وما تشوفين شر انشالله والله في وايد ناس بصراحه مطافيق واحنا ديرتنا ما قصرت وفرتلنا كل العلامات والاشارات والانظمه بس شتقولين عبالهم الروح رخيصه يالله الله يهداهم

At 4:09 AM, Mash'hoor

السلام عليكم
لو طبق القانون بحذافيره ، لما كانت كل هذه الحوادث

مشــــهور

At 1:55 PM, a7laa7ob

kuwaitia:
هلا فيج
وخطاج اللاش
والله يهدي الجميع وفكنا من العقد والهيلق

mash'hoor:
وعليكم السلام
صح كلامك بس وين اللي يسمع ويطبق ماكو على قولتهم عمك أصمخ

At 6:21 PM, ابوعبيد

كلامج مظبوط
والمشكلة الرئيسية ان محد يحترم القانون
وكل واحد شايف نفسه

:)
يعطيج العافيه
مبينة الحرة فى كتابتج
من قلب

At 11:27 PM, ReLaaaX

لوووووول لا انتي ضروري تيين تشوفين سياقة الناس اللي اعرفهم.. جان اتكمشين شعرج ;)

.. والله اعرف جم وحده مايعترفون بشي اسمه مطبـــه :)))

طبعاً غير اللفة الله باليني برفيجة متهوره .. والله ايام سيارتها الفولفو الله يرحمها ..!-->الفولفو يعني مو اهيا اسمالله عليها

At 4:42 PM, a7laa7ob

ابو عبيد:
هلا والله فيك
اي والله حدي محترة
والله يعافيك
وانته بعد يعطيك العافيه ومشكور

relaaax:
لالا انا شايفه عندي رفيجات وايد
مايعترفون بالمطبه
ولا البريك مو موجود بقاموسهم
ومشكوره وماقصرتي
وعظم الله اجركم على الفولفو

At 9:10 PM, Fuzzy

people should wear a helmet while driving lol

At 12:34 AM, bo_sale7

السياقة بالكويت يبيلها طوووولة بال من قلب ...

بوست هادف

تحياتي

At 1:23 AM, Si7LeYa

خطاج السو عزيزتي

شي اسمه حاااادث صار شي عادي

تخيلي من الو ماسقت لي للحين

يمكن صار لي7 حوادث

وكل الغلط على غيري

والسبه تهورهم

ماقول الا الله كريم

ويعطيج العافيه

At 12:43 PM, physio-80

خطاج السو و الحمدلله على السلامه، والله كلامج صح بس انا أكثر شي يغثني بالشارع الهنود والصعايده اللي يسوقون السيارات. تلاقينه ماخذ النص و يمشي 60 ولا يتحرك ولا يوخر جنا الشارع مال أبوه، لا و إذا طق إشارة يلف يلف لو شنو يصير...

عموماً يعطيج العافيو على الموضوع

At 4:16 PM, a7laa7ob

fuzzy:
ee wala hehehehehehehehe
thank you

bo_sale7:
ee 9a7 klamk
oo thanx

si7leya:
56ac el lash 7bebty
oo entay b3d 56ach el sow
oo alah y3afech oo mshkora

physio-80:
56ak el lash
5o elhnod oo el93aida film bro7hm
la y2sher ymen oo ylf ysar 3ady 3ady
oo alah y3afek oo mshkoor

At 9:37 PM, R7eeq

خطاج السوو وماتشوفين شر ,,

انت في كويت ستي عادي ,,

شي يلوع الجبد ,

At 1:05 AM, a7laa7ob

خطاج اللاش

اكيد تعودنا

At 12:22 PM, 3AJEL

الكويتيين خوش اوادم قبل لا يجلسون على مقاعد سياراتهم

At 2:50 PM, a7laa7ob

اي والله ياعاجل

At 6:31 PM, mishari

اشتريلج وانيت ؟؟؟
يمكن تضبط مسائلج:)

At 5:08 PM, a7laa7ob

ههههههههههههههههههههههههههههههههه
ماشي
وانيت هااااااااااااااا
خل الوانيت حقك
مشكووووووووووووور
بس تصدق هم فكره خو رواعي الوانيتات عبالهم الشوارع شوارعهم
خخخخخخخخخخخخخخخخخخخخخخخخخخخخخخخ

At 10:47 PM, كله انسى

خطاج السو سلاماات

عيل لا تشوفين سياقتي حدها تنرررفز :)

مع انه صارلي مده اسوق .. بس بعدي خوافه زياده عن اللزوم

والموقف اللي يصير بين سيارتين لو امووت ما راح اعرفله :P

At 12:13 AM, a7laa7ob

خطاج اللاش
الله يعين الناس اللي يمشون يمج
شكلج تمشين مطوله على المسجله وماتسمعين لا هرن ولا سب
انا اول ماسقت ماكنت اعرفله
بس مع الوقت يصير سهل وتعرفين ساعات تضطرين تصفطين بالهموقف

At 3:51 AM, sOulvOice

خطاج السوو

ماتنبط جبدي الا لما اشوف شباب يزفون معرس وماخذين كل السايداااات ,,يااخي قدر ان وراك ناس مستعيلين ,,عندهم حالة طارئة مو ملزومين ينطرونك

ولا اللي اييج طاير ونتي عاليسار وحييييل يترك وبس تفتحيله الدرب يبطىء
يمال الثووووول شماله الطفاقه عيل

كله كووم واللي لما اطقين اشارتج بتروحين الحارة الثانية يشتط فجأة ويسرع مع ان كان يمشي 80

هههههه عاهات والله

At 10:54 AM, My-Home

الله يستر
من الياي
وسلامات
:)

At 4:30 PM, a7laa7ob

soulvoice
خطاج اللاش او خطاك اللاش

كله كووم واللي لما اطقين اشارتج بتروحين الحارة الثانية يشتط فجأة ويسرع مع ان كان يمشي 80

هذي اخيس حركه عاد

my-home
اي والله الله يستر من الياي
والله يسلمك

At 4:00 AM, MiSs-ToFa7a

خطاج السو وسلامات ان شاء الله

بس كل اللي اقوله

ابتسم انت في دوله الكويت

At 2:27 PM, a7laa7ob

خطاج اللاش والله يسلمج من كل شر

اكيد نبتسم ونحمد ربنا بعد
ومشكوره على مرورج

At 1:22 AM, MARSHAL Q8

بعد ...

شنقول غير لا حول ولا قوة الا بالله ..

:)

At 4:25 AM, Cute-Q8i

احلى كلام

ايشي ظريف

At 5:32 PM, Hosno

كلامج صح بس هذي الكويت يبا خليط
من بو عقاد و الشياب والهنود والصعايده والزقرتيه والقزيزه
وعلى طاري دفتر المخالفات الشرطه ياخذون 25 دينار على كل دفتر يخلصه
يعني يقضي حتى وقت فراغه في التفكير في مخالفات يديده حق الاوادم مثل
سيارتك عليها غبار مو الجو عندنا كل يوم غبار يعني كل ربع ساعه لازم تغسل السياره ولا مخالفه انك ما تطق اشاره اذا ما كان احد وراك يعني حق منو تطق اشاره اذا الشارع فاضي ووايد انواع من المخالفات العجيبه الغريبه
واشكرج على الموضوع اختي

At 5:43 AM, Q8-eye

ناطرين بوستات يديده
:)

At 8:29 PM, a7laa7ob

اول شي سوري على التاخير بس والله رمضان ودواااااااااااااام وانتوا بكرامه زفتتتتتتت

marshal q8
اي والله لاحول ولا قوة الا بالله

cute-q8i
thanx :)

hosno:
والمشكله كل ماتشوف شرطي يا تلاقيه موقف شباب كانوا لاحقين بنات يخربون عليهم
او بنيه مسكينه ماتدري وين الله قاطها وحضرته بس يبي يتحرش
والعفو اخوي

q8-eye:
انشالله بس لاتحن خوووو

At 5:34 AM, MARSHAL Q8

نبي بوست يديد :)

At 12:37 PM, barrak

خطاج السو

انا عن نفسي يوميا اتشهد قبل لا اطلع بالسياره
فعلا هناك حرب شوارع
مشكلتنا الابديه ان بيدنا الحلول بتطبيق القانون على الكل
ولكن مايبون
حتى لو تروح ارواح مايبون
لما يموت واحد منهم هني بشروا بالخير